Tuesday, November 30, 2010
Monday, November 29, 2010
LEBANESE Independence day celebrations
See a lot of other pictures on our Facebook page (Shamlian TatikianAdmin).
Thursday, November 4, 2010
Wednesday, October 20, 2010
An Orientation by the GOGUIKIAN FOUNDATION
Thursday, May 6, 2010
Monday, March 22, 2010
Thursday, March 18, 2010
ALL THE BANQUET PICTURES...
Wednesday, March 17, 2010
Հայ Աւետարանական Շամլեան-Թաթիկեան երկրորդական Վարժարանի 75ամեակը
Ուրբաթ, 12 Մարտ 2010ին Նոր Մարաշի Հայ Աւետարանական Շամլեան-Թաթիկեան երկրորդական վարժարանը նշեց իր 75րդ տարեդարձը,ներկայութեամբ վարժարանին մեծ ընտանիքին ներկայացուցիչներուն՝ նոր ու հին շրջանաւարտներու, ուսուցիչներու, հոգաբարձուներու, բարեկամներու եւ բարերարներու, ինչպէս նաեւ ՄԱՀԱԵՄի Նախագահ Վեր. Մկրտիչ Գարակէօզեանի, Հայկազեան Համալսարանի Նախագահ Վեր. Դոկտ. Փօլ Հայտօսթեանի, Պուրճ Համուտի քաղաքապետ Տիար Անդրանիկ Մսըրլեանի եւ նախկին պետական երեսփոխան Տոքթ. Նուրիճան Տեմիրճեանի:
Գեղարուեստական յայտագրին աւարտին Ճոաննա Մոմճեան լուսանկարներով ներկայացուց Պուրճ Համուտը երէկ եւ Այսօր , որմէ ետք Շամլեան-Թաթիկեանի տնօրէնը՝ Պատուելի Հրայր Չոլագեան շնորհակալութեան խօսք ուղղեց բոլոր անոնց որոնք ձեռնարկին յաջողութեան համար անսակարկ աշխատեցան: Ան իր խօսքին մէջ նաեւ նշեց թէ 75ամեակը տօնելը նաեւ ապագային համար կարեւոր է, որովհետեւ վարժարանը պիտի շարունակէ իր առաքելութիւնը: Իր խօսքին աւարտին Պատ. Չոլագեան բեմ հրաւիրեց Պուրճ Համուտի քաշաքապետ Տիար Անդրանիկ Մսըրլեանը: Բեմ բարձրացան նաեւ Վեր. Մ. Գարակէօզեանն ու Տիար Ճան Սաղըրեանը, որպէսզի Տիար Մսըրլեանին յանձնեն գնահատական յուշանուէր մը՝ անոր բոլորանուէր ծառայութեանց համար, զորս կատարեց թէ՛ Պուրճ Համուտի եւ թէ՛ վարժարանին բարօրութեան ի խնդիր: Յուշանուէրի յանձնումին յաջորդեց յոբելինական կարկանդակին հատումը:
Յոբելինական ճաշկերոյթին մասնակցողները մեկնեցան նորոգուած յիշատակներով եւ յաջող ու բեղուն տարիներու ջերմ մաղթանքներով: